مرموره
مشرف الشهيده دميانه
المشاركات : 605
الانتساب : 10/06/2009
 | | موضوع: قررت اتكلم مع الشيطان الإثنين يناير 04, 2010 11:20 am | |
| فى مرة كنت قاعد زعلان وبقول: ربنا عمل علشانى كتير أنا لازم أعمل إى حاجه علشان أرضيه
فقررت اتكلم مع الشيطان :
بص ياشيطان إنت صاحبى وإنت عارف إنى مش بأخرلك طلب
مديلك جسدى وقلبى وفكرى بس برضو
ربنا بيعمل علشانى كتير .. ممكن أديله 5دقائق كل يوم؟
فقالى الشيطان عاوز تعمل فيهم إيه؟
قلتله بص هصلى وهقرا آيه واحدة فى الإنجيل
وهبقا زى ما أنا معاك بقلبى ووقتى وعقلى وجسدى
ولا هصوم ولاهروح الكنيسة وهفضل أوقع الناس فى بعضيها
قالى الشيطان طب وليه؟
إنت يعنى عايز ترضى ربنا؟ طب مانا كمان عاوز أرضيك لأنى بحبك ومش هزعلك
بس إيه رأيك متبطل الخطية !!
فقلتله إنت عاوزنى أبطل الخطية !!
مش ممكن مستحيل !!
فقالى الشيطان دى أحسن حاجه تفرّح قلب ربنا
فقلت للشيطان بس فى خطية أنا بحبها أوى ومش عاوز ابطلها
ياه ياه ابطل الخطية ؟!!!
فقالى الشيطان أنا اللى بساعدك تحب الخطية
مش هخليك تانى خالص تحب الخطية وهخليك تبطل كل خطية
أنا قلتله خلاص متفقين وخدت الشيطان بالحضن وقلتله يعنى مش هتزعل منى؟
فقالى الشيطان ازاى انا بحبك دانت ابنى
ومشى الشيطان....
وابن الشيطان الصغير إبليس بيسال باباه الشيطان الكبير
إزاى يابابا هتسيبوه يبطل الخطية
فرد الشيطان على إبليس إنت لسه صغير يابنى
فى خطية بتبقا مستخبية
هو لما يبطل يتفرج على أفلام ولا يبطل السجاير ولايبطل الشتيمة والحلفان كده هيبقا بطل الخطية !!
هههههههههههههههههههه
كده هيبقا اتنقل ياعبيط للذاتية
هيقول أنا بقيت ملاك أنا مفيش زيى إنسان .. ويعيش فرحان عايش بالكبرياء وبعدها هيتكسر
ويرجع للمرحلة الأولى للخطية ويبقا كمان فى المرحلة التانية
لكن لو كان صلى وقرا آية
كان فى مرة لازم هيحس بحب يسوع
ومرة تانية يحس بتعزية .. واشعرفنا ..
مش ممكن فى مرة يغلط بلسانه ويقول لإلهه إغفرلى كل خطية
وانت عارف يا إبليس يابنى
ربنا بيتللكك عايز يغفر كل خطية
مانت عارف إزاى بيحبه
ومستنى يستجيبله
وانهارده الآية ممكن يبقوا آيتين وشوية شوية يقولك أرنم ترنيمة
يبقا إزى الحال؟!!
انت عارف ياابليس ياابنى
ربنا ده سريع فى التغيير وعليه حضن خطير وليه قدرة يفتح العنين
ولا ماسكة ايده اللى فيها المسامير .. قال يصلى 5 دقائق ويقرا فى الانجيل قال!!
ده مكتوب....
كلمة الله لاترجع إليه فارغة
وكمان مكتوب...
كلمة الله حية و فعالة و أمضى من كل سيف ذي حدين
والروح القدس يستخدم كلمة الله لكي ينزع منا الأعمال الشريرة و ليثمر فينا الأعمال الصالحة .
لا تفشل الله يقف إلى جانبك هو أحبك و أرسل ابنه يسوع المسيح ليموت عنك
، لا تستمع لكلام إبليس ولا تصدقه هو كذاب و أبو الكذاب ( يوحنا 8: 44 )
اقترب من الله و افتح كلمته و اسمعه يتحدث إليك اقترب من ربنا
قله كلمة واحده واقرا اية واحده بس كل يوم قله بس محتاج منك هديه
قله اسكب روحك فيا قله ادينى حياة
قله افتح عنيا قله امسك ايديا
قله لو بجد انت اله حى عرفنى انك حى قله حسسنى بيك
قله مش بحبك او مش عارف احبك قله يارب متقولش غير كلمة يارب
قوله يارب قوم نفسى وسلوك ابعدنى عن طريق الشيطان اغفر ليا خطيتى قوله يارب
منقول | |
|
rom.com
ابن نشيط
الجنس : 
المشاركات : 119
تاريخ الميلاد : 15/03/1987
الانتساب : 19/11/2009
العمر : 37
العمل/الترفيه : عاطل
| | موضوع: رد: قررت اتكلم مع الشيطان الإثنين يناير 04, 2010 4:37 pm | |
| ميرسى مريم على التامل الحلو ده وربنا يباركك
| |
|
مرموره
مشرف الشهيده دميانه
المشاركات : 605
الانتساب : 10/06/2009
| | موضوع: رد: قررت اتكلم مع الشيطان الإثنين يناير 04, 2010 6:34 pm | |
| | |
|
