دى لا قصه ولا حكايه ولا كلام واقاويل
دى حاجه اسمها تم التعديل
الكلمه دى مش غريبه علينا
لكن ياترى هل هى فينا
هل نقدر نقول لنفسنا تم التعديل
ولا لسه شويه ده الوقت طويل
تم التعديل مش فى التكنولوجيا وبس
دى لازم نقولها يمكن بربنا نحس
نحس انه فينا ومات لينا
نحس انه جه علشان يفدينا
نضف قلبك انت وهى وقوله اغفرلى اى خطيه
قوله سامحنى على اللى فات
وقوله ارسملى سنينى الجايه
قوله يارب انا فعلا خاطى
قوله مش هنكر ده انا جاى مطاطى
انا ممكن اكون جاحد وانانى
لكن واثق انى ابنك وانك مت بدالى
انا ممكن ادارى الحب عن الناس
لكن انت خالق الناس
اقدر ازاى ادارى عليك وانت اللى خالق فيا الاحساس
انت ياربى حبيبى
وانت اعز صديقى
وانت فرحى وقت ضيقى
انا عارف ان دمعى هو جرحك
وكمان عارف وقت فرحك
ربى انا مش جاحد ولا انانى
بس انا عايز اعيش فى زمن تانى
زمن راحه وهدوء
زمن مفيهوش حد مخنوق
زمن خلصت فيه الآآآآآهات
واللى جاى احسن من اللى فات
على العموم ياربى انا راضى باى زمن واى وقت
بس علشان انت موجود فى اى زمن واى وقت
بحبك ياربى وانت عارف كده بحبك بحبك للمنتهى