اتكيت الانتر نت

سمعتم قبل كدا إن الإنترنت ليه إتيكيت؟
أيوه في. أكيد صعب تتخيلوا
الدنيا قبل الإنترنت.
زمان لما كنا نعوز نعرف حاجة كنا نروح المكتبة
وندور على كتاب بيتكلم عن الموضوع دا، مش بس كدا لما كنا نعوز نتصل بحد كنا
بنكلمه على تليفون البيت بس ولو كان الخط مشغول يبقى لازم نحاول لغاية
منلاقيه. لأن مفيش موبايل في الوقت دا.

دلوقتي بنكلم بعض في
الموبايل ولو كان مشغول بنبعت sms أو بندخل على الـ chat ونتكلم مع بعض.

بس
كونا نقدر نتواصل بالسرعة دي ليه مميزات وكمان ليه عيوب لأنه بيدينا
الفرصة إننا نقول حاجات ممكن مش هنقولها لو استنينا شوية دا مش بس كدا لكن
ساعات لما أفتح my space أو facebook بتاع شباب وشابات كويسين ألاقيهم
حاطين أغاني كلماتها مش قوي أو حاطين links لمواقع مش كويسة وبأكد إنهم
شباب وشابات كويسين.

التكنولوجيا في حد ذاتها كويسة بس لو مخدناش
بالنا ممكن إبليس يستخدمها عشان يجرنا بعيد عن طريق الرب يسوع.

فعشان
كدا خلونا نحط قواعد سميناها إتيكيت الإنترنت :

1 – عود/ عودي
نفسك على السؤال دا "هل اللي أنا بكتبه دا هيعود بالمجد لـ الله ولا لأ؟

2
– لو عندك Profile على موقع، هل لو حد ميعرفكش وقراه هيعرف إنك بتحب الرب
بعد ما يقراه؟

3 – هل الناس بتنم معاك على النت؟ متنبسطيش قوي لأن
الناس بتنم معاك/ معاكي لأن السمعة اللي طلعت عنك إنك نمام/ نمامة.

4
– خلي بالك وإنت بتدخل على Links على مواقع أو Profile شخص تاني كتير
أسماء الـ Links بتبقى خادعة وممكن تدخلك على مواقع غير لائقة.

5 –
تخيل دايماً إن اللي إنت هتكتبه ممكن أي شخص يعمل له Cut و Paste ويستخدمة
ضدك في المستقبل. لو اللي إنت هتقوله / هتقوليه متحبوش حد تاني يقراه يبقى
أحسن متكتبهوش.

6 – إوعوا تقولوا كلام وحش على حد. ممكن قوي يكون
الشخص ده قاعد جنب اللي إنت بتكلمه.

7 - لو حد استخدم كلام غير
لائق وهو بيكلمك على النت، اتحدى الشخص إنه يكلمك كلام كويس.

8 –
خلي اسمك على النت اسم بيمجد ربنا. ساعات بتخض لما أقرا أسماء ناس على
النت. ممكن يكون اسمك روش لكن في نفس الوقت محترم.

9 – افتكر/ي
دايماً إن مش ممكن توصيل المشاعر الصح في الـ e-mails أو على الـ Chat.

عشان
كدا سيبوا الأحاديث المهمة للتليفون أو وجهاً لوجه ومهما حصل إوعوا أبداً
تنهوا علاقة من خلال الإنترنت أو sms.

10 – كتير من الأهالي بيحبوا
يدوروا ورا أولادهم فدايماً حطوا احتمال أن أهل الشخص اللي بتتعاملوا معاه
ممكن يقروا اللي انتوا كاتبينوا. والأخطر من كدا إن الله بيقرا كل اللي
بتكتبوه وفي كل مره.

أخيراً الكتاب المقدس بيقول في الرسالة إلى
أهل فيلبي 8:4 "أخيراً أيها الإخوة كل ما هو حق كل ما هو جليل كل ما هو
عادل كل ما هو طاهر كل ما هو مسر كل ما هو صيته حسن إن كانت فضيلة وإن كانت
مدح ففي هذه افتكروا".

انا حاطط الموضوع دي خصيصا علشان خاطر دونا بتاعت الاتكيت

هههههههههههههههههههههههههههههههههههههه
هههههههههههههههههههه
هههههههههه
ههه
هه
ه
اتكيت بقي

هههههههههههههههههههه
مرسى

بس انا نسيت يعنى اية اتيكيت بطلتة
ههههههههههههههههههههههه

يا سلام دا انتي اساس الاتكيت
شكرا ليكي يا دونا مرورك
شرفني يا جميل

» الانتر يهين ميلان ويهزمه برباعية نظيفة في الدوري الإيطالي