معجزه لمار جرجس

معجزة للشهيد العظيم مارجرجس بأذن السيد المسيح بتاريخ 30/7/2009

حوالى الساعة 3.25 ظهرا

انا مش عارف ابتدى ازاى بس انا هحكى معجزة حصلتلى انا واخويا يوم الخميس اللى فات .
انا واخويا سافرنا مع اصحابنا العجمى وبالتحديد فى شاطئ النخيل وطبعا كلكو عارفين ان دة فى اسكندرية وبحر اسكندرية كلة اكتر بحر بيحصل فية حالات غرق المهم انا وصلنى العجمى يوم الخميس الظهر فطبعا علطول غيرنا هدومنا ونزلنا البحر احنا واصحابنا وفى اللى كان هيحصلنا واما روحنا البحر لقينا البحر موجو عالى وخطر وكنا ناوين ننزل بس منغوطش بس للاسف الموج كان عالى المهم 2 صحابنا نزلو وباعديهم بشوية انا لغايت اما باقى اصحابنا جمب سبنا معاهم الحاجة ودخلت انا واخويا و2 من اصحابنا كمان المهم مقعدناش كتير وكنت تعبت من الموج فقولت لاخويا تعال نخرج قالى لا انا شوية وخارج اهو على الاقل ابقى قعد نصف ساعة فى المياة اصل احنا كنا نازلين المياة دى موقتة على ما منروح ميامى مش متذكر اوى بس كنا مخطتين اننا نروح مكان فية المياة هادية وكويسة المهم كان فاضل بالظبط 8 دقائق واخويا يخرج على اساس ال نصف ساعة يخلصو والكلام دة كان الساعة 3.22 ظهرا دة الوقت اللى سائلت علية فى البحر قبل الغرق علطول اصل اخويا بينزل البحر بساعة المهم احنا واقفين الميا تعتبر عن وسطنا وكل الموج كان عالى وبيغطينا بس كان جمبنا ناحية ايمين مفيش ناس انما جوة فى اتارى ناحية اليمين دى غريق مفيش ارض ومهما تدوسى متلقيش ارض فجات موجة عالية سحبتنى فى اليمين وجيت اقف مالقتش ارض انا بعرف اعوم بس مش سباح يعنى واخويا مبيعرفش يعوم المهم طلعت على وش المياة بالعوم وقولتلة ارجع هنا مافيش ارض خالص بس هو مسمعش الكلام واصمر مكانة لانه شايفنى بعوم بس ثابت فى مكانى لان البحر كان بيسحب جامد فقربت منة شوية عايم وانا كنت تعبان اصلا من المياة فطبعا عومت مش زى ما اكون فايق المهم مد ايدة يسحبنى وهو مش مثبت نفسة فى الرملة كويس فأتسحب هو معايا ومن هنا واتلبخت جامد جدااالانى انا كنت بحاول اعوم انما هو مبيعرفش وكان بينزل ويطلع وانا كمان والمشكلة ان مهما تنزلى متلقيش ارض لان الارض ناعمة تدوس عليها تنزل معاك وانا ندهت على مارجرجس لانة شفيعى وحبيبى وعمرة ما اتاخر عليا ابدا فى اقت الشدة واخويا كان بيندة على بابا يسوع وكان بيقول الحقونا هو كان بينده على ربنا بصوت يتسمع انما انا مكنتش بتكلم كنت بحاول اتصرف لان اخويا بيغرق قدامى وانا السبب بس هو كويس انة كان بيدة بصوت علشان فى ناس سمعت بس للاسف محدش نزلنا خالص وهنا لهنا خلاص كنا بنستسلم مفيش اما وشوفنا الشاطئ بعيد اوى عننا فخلاص كنت هسيب نفسى وكان فى دماغى حاجات كتير بفكر فيها ووانا بغرق افتكرت معجرزة كنت قرائتها على النت لامير الشهداء مارجرجس انقذ ناس برضو من الغرق وكانو بيندهو علية لان طبعا مش اول ما اقول يا مارجرجس هلاقى نفسى على الشاطئ المهم انا استمريت اندة علية وبحاول اتصرف واخويا بيندة على ربنا السيد المسيح وربنا والشهيد مارجرجس جدد عزمى لاننا خلاص احنا الاتنين كنا بنستسلم واثناء اخر محاولاتنا وفجاة ببص لقيت المياة وصلة لغايت ركبنا انا واخويا واحنا على الشاطئ والانقاذ جم وسندونا وكنا واعين بس مش قادرين نتحرك ولا نقف وشالونا على غرفة الانقاذ وحاولو طبعا يخلونا نستقيئ ( نرجع المياة اللى شربناة يعنى ) لاننا شربنا مياة وعشب ورمل لان المياة مكنتش نقية كمان وانا كان وشى وارم انا اتقايت انما اخويا لا وجات الاسعاف وروحنا على المستشفى وادو لكل واحد حقنة وريد دى خلت اخويا يستقئ وياعدتنى انا انى افوق واتعلقلنا اوكسجين وقولنا للمستشفى تكلم اصحبنا والمستشفى مش تكلمهم لا رنت عليهم بس بس لولا انهم بيدورو علينا لولا اتصلو بالرقم الغريب وجم وخادونا ودفعو حساب المستشفى وجبنا العلاج والحمد لله ربنا كتبلنا عمر جديد بجد هى مالهاش غير ان اكتبلنا عمر جديد لان خلاص اخويا خلاص استسلم واستنى يحس بالموت وانا شفت نفسنا خلاص مايتين

منقول

شكرا ليك ربنا يباركك

» معجزه للانبا كاراس
» معجزه للقديس ابسخيرون القلينى
» معجزه للانبا ونس
» معجزه للانبا مكاريوس
» معجزه للانبا مينا مطران جرجا المتنيح