مفيش حد حياته اسوء من حياتي!!!!!!!
مفيش حد حياته اسوء من حياتي كتير اوي مننا ساعات بتجيله حالات ضعف ويقول العباره دي .... بس اسمحولي اقولكم ان ايلي بيقول العباره دي غلطان اوي لان استحاله تكون حياته اسوء لان في كتير اوي حياتهم اسوء وراضيين وعايشين وحامدين..... ولو اعترضت انا ممكن اتحداك في كده... تيجي نتحدي بعض ! اوك تعالوااااا نشوف
التحدى الأول:
اربط ذراعك الشمال ..مش ها اقول لك اليمين
اربطه وراء ظهرك او علقه فى رقبتك
وروح الشغل ... او روح الكليه ... او اخرج فى مشوار
واستخدم ذراع واحد فقط ..
وفى نهايه اليوم ... لو استحملت اصلا ان تصمد لنهايه اليوم ..
ستعرف ..نعمه ربنا عليك ...
غيرك ذراعه مقطوعه ومش ها ترجع تانى ابدا
ويمكن تكون دراعه اليمين مش الشمال ...
عرفت نعمه ربنا عليك ؟؟
التحدى الثانى:
ضع قطنه على عينك الشمال او اليمين
عين واحده فقط .. مش الأثنين
اخرج وروح كليتك او شغلك .. او اى مشوار
وشوف نفسك فى نهايه اليوم ... ايه رأيك ..؟؟
عرفت قد ايه نعم ربنا عليك ...؟؟
غيرك عينه مفقوده ولا حول ولا قوة الا بالله نهائى ... ويمكن الأثنين معا
وعايشين وحامدين ربنا ..
التحدى الثالث :
ضع قطنه فى احدى فتحتى الأنف
وحاول تعيش يومك بصورة طبيعيه
واذا كنت شاطر اخرج واتفسح
وشوف ها تعرف تتنفس ولا لأ
وشعورك ايه وانت بتتنفس بصعوبه
ابقى شيل القطنه .. واحمد ربنا
غيرك عنده ضيق تنفس وربو .. ومحتاج بخاخه علشان يقدر يتنفس ويعيش
التحدى الرابع :
أربط رجلك ..اربطها وارفعها وراء فخذك ..
واخرج مشوار صغير او انزل السلم واطلعه تانى
ولو جدع اركب اتوبيس او مترو او اى شئ
او امشى على رجليك فى الشارع
وبعدين لما ترجع البيت اعرف قد ايه نعمه ربنا عليك
غيرك مقطوعه رجله .. وبيمشى بعكاز .. او غيرك رجله مقطوعه الأثنين
وقاعد على كرسى متحرك .. ايه رأيك .. ؟؟ مش انت فى نعمه ؟؟
التحدى الخامس:
ضع قطعتين من القطن وفزلين او قطنه بالمرهم فى ودنك
وعيش يومك .. ها تسمع .. ولكن مش كويس قوى
واول ما راح تنزع القطنه .. راح تعرف قد ايه نعمه ربنا عليك
غيرك مش بيسمع خالص نهائيا
التحدى السادس:
انت مشاء الله عليك اكيد وسط عيلتك وربنا انعم عليك باسره مهما كانت ظروف عيشتك ..انزل شوف دور الايتام وبص على الاطفال وفكر دول لما يكبروا هيعملوا ايه وهما لوحدهم...... بجد يا جماعه احنا ربنا بيحبنا اوي ولو ربنا ابتلاك بشئ يبقي انت حبيب ربنا ... ربنا عايزك وعايز يسمع صوتك جربت وانت مضايق قبل ما تقول العباره دي تقوم وتبكي لربنا وتشكيله همك...
ربنا معاكوا ويسمع صلاتكوا ...
وصلوااااا من اجلي
