العدرا امنا كلنا وعشان كدة كتبتلها القصيدة دي أتمنى انها تعجبكم
ياعدرا يا أم فادينا إحنا ولادك ضمينا
لحضنك اللي مدفينا ومن الأخطار حامينا
وعند ابنك اشفعي فينا واطلبي منه يحفظ لينا
البابا شنودة راعينا ومعاه أساقفتنا الأمينة
*************
يا عدرا يا أم الحنان يا أم الرب الديان
ليكي بطلب بكل إيمان تشفعيلي أفوز بالغفران
وأفرح يوم نصب الميزان بوجودي مع الأب الحنان
دا أنا عبدك غلبان يا عدرا ابنك حيران
*************
يا عدرا يا أم القدوس يا شفيعة كل النفوس
نمدحك في كل الطقوس ودايما نهتف لك بالناقوس
طوباكي يا تي بارثينوس يا تي اتشرومبي اثنيسوس
ماريا تي ثيؤطوكوس ابشوشو انتي بين جينوس
